Sunday, August 24, 2014

ပြောင်းလဲ ကျင့်သုံးမည့် တက္ကသိုလ်ဝင်ခွင့်စနစ်သစ် ကျူရှင်ဈေးကွက် ဖြစ်ပေါ်နိုင်

တက္ကသိုလ်ဝင်ခွင့်များကို လာမည့် ပညာသင်နှစ်တွင် ပြောင်းလဲကျင့်သုံးသွားပါက ကျူရှင်ဈေးကွက် အသစ်တစ်ခု ဖြစ်ပေါ်လာနိုင်ကြောင်း၊ တက္ကသိုလ်ဝင်စာမွေးပွဲ အောင်မြင်သူများအနေဖြင့် အသက်မွေးဝမ်း ကျောင်း တက္ကသိုလ်များသို့ ဝင်ခွင့်စိစစ်ရွေးချယ်မှုဆိုင်ရာ စာမေးပွဲကိုဖြေဆိုရမည်ဖြစ်ကြောင်း တက္ကသိုလ် ဆရာအချို့ထံမှ သိရသည်။
ဆေးတက္ကသိုလ် ပါမောက္ခချုပ်ဒေါက်တာတင့်ဆွေလတ်က”ကျွန်တော်တို့ လာမယ့်နှစ်လောက် မှာတော့ ဝင်ခွင့်တွေကို ပြောင်းလဲကျင့်သုံးသွားနိုင်မယ်လို့ မျှော်လင့်ပါတယ်။ ဒီနှစ်ကိုတော့ အရင်နှစ်တွေက အတိုင်းပဲ ဆက်လက်ကျင့်သုံးသွားမယ်လို့ စီစဉ်ထားပါတယ်”ဟုတက္ကသိုလ်ဝင်စာမေးပွဲ အောင်မြင်သူများအား အသက်မွေးဝမ်းကျောင်းတက္ကသိုလ်များသို့ ဝင်ခွင့်စိစစ်ရွေးချယ်မှုဆိုင်ရာ ဆွေးနွေးပွဲတွင် တင်ပြပြောဆိုခဲ့သည်။
လာမည့်နှစ်တွင် ဆေးနှင့်ဆေးဘက်ဆိုင်ရာ တက္ကသိုလ်၊ နည်းပညာတက္ကသိုလ်၊ အင်ဂျင်နီယာ တက္ကသိုလ် စသည့်အသက်မွေးဝမ်းကျောင်း တက္ကသိုလ်များသို့ တက်ရောက်လိုသည့် ကျောင်းသား၊ ကျောင်းသူများကို လူတွေ့စစ်ဆေးမှု၊ စာလိုက်နိုင်စွမ်းစစ်ဆေးမှုများကိုပါ ထည့်သွင်းစစ်ဆေးသွားရန်ရှိကြောင်း သိရသည်။
ဦးညီလှငယ်က ”စိတ်ပညာစစ်ဆေးမှုတွေ၊ စာလိုက်နိုင်စွမ်းစစ်ဆေးမှုတွေလုပ်ဖို့ လွယ်မလား၊ ကျောင်းတိုင်းလုပ်နိုင်ပါ့မလား ဆိုတာကို ထည့်သွင်းစဉ်းစားထားဖို့တော့လိုပါတယ်။ အဓိက စစ်ဆေးရမှာက အင်ဂျင်နီယာတက္ကသိုလ် တက်မယ့်သူတွေအတွက်ဆိုရင် သင်္ချာ၊ ရူပဗေဒ၊ အင်္ဂလိပ်စာတွေက နည်းပညာ တက္ကသိုလ်တွေအတွက် အရေးကြီးပါတယ်”ဟု ပြောကြားဆွေးနွေးခဲ့သည်။
ဆရာများသမဂ္ဂမှ ဒေါက်တာအာကာမိုးသူကလည်း ”ဘာသာရပ်ဆိုင်ရာဝင်ခွင့် ကန့်သတ်မယ်၊ စိတ် ပညာစစ်ဆေးမှုတွေရော လုပ်မယ်ဆိုရင် သူတို့ပြောတဲ့ လူတိုင်း အကျုံးဝင်ပညာရေးစနစ်တစ်ခုကို တစ်နည်း နည်းနဲ့ ကန့်သတ်လိုက်သလို ဖြစ်သွားမယ်။ အင်္ဂလိပ်စာနဲ့ ပတ်သက်ပြီးတော့ IELTS တို့၊ TOEFL တို့က ပညာရေးမှာ စနစ်တကျ အသုံးပြုခဲ့တာမရှိဘူး။ ပညာရေးမှာ စာမေးပွဲစနစ်ကို ပုံသေသတ်မှတ်တဲ့အခါမှာ အလွတ်ကျက်မှတ်တာကို ပြန်ပြီးအသုံးပြုတာဖြစ်တယ်။ အခြေခံစနစ်မှာ စနစ်တကျ ကျင့်သုံးပြီးသား ကို တက္ကသိုလ်ဝင်ခွင့်အနေနဲ့ ကျင့်သုံးရင် သင့်တော်တယ်။
”အဲဒါမဟုတ်ရင်တော့ ဒီဘက်က အခြေခံပညာရေးမှာပါ မြှင့်တင်ထားဖို့လိုတယ်။ အင်္ဂလိပ်စာ စစ်ဆေး မှုကို IELTS ပုံစံမျိုးသွားလုပ်ရင်ဘာသာစကားသင်တဲ့ ကျူရှင်တွေကို တွန်းအားပေးရာ ရောက်တယ်။ ကျူရှင် စနစ်ကို ပိုပြီး ထွန်းကားလာနိုင်တယ်။ အဲဒါမှ မဟုတ်ရင် English major နဲ့ သင်ကြားနေတဲ့ ဆရာ၊ ဆရာမ တွေအတွက် မှောင်ခိုဈေးကွက်ဖြစ်လာမယ်။ တခြားဟာတွေလည်းဖြစ်လာနိုင်တယ်”ဟု ပြောသည်။
ပညာရေး ပြုပြင်ပြောင်းလဲမှုလုပ်ငန်းအဖွဲ့ဝင် ဒေါက်တာ ဒေါ်မြင့်ကြည်ကလည်း National Examination က စပြီး ထည့်သွင်းစဉ်းစားထားရန် လိုအပ်ကြောင်း၊ ဘာသာရပ်တိုင်းသည် တန်ဖိုးရှိသည့် ဘာသာရပ်များဖြစ်သည့်အတွက် မူဝါဒများကိုအသေးစိတ်ချမှတ်ပြီး ဝင်ခွင့်စာမေးပွဲများကို မည်သို့ပြုလုပ်သွား မည်ကိုထည့်သွင်းစဉ်းစားရန် လိုအပ်ကြောင်းဆွေးနွေးပြောကြားခဲ့သည်။
အဆင့်မြင့်ပညာ ဦးစီးဌာနညွှန်ကြားရေးမှူးချုပ် ဦးဇော်ဌေးက”လက်ရှိ မြန်မာနိုင်ငံမှာ တက္ကသိုလ် ပေါင်း ၁၆၉ ကျောင်း ရှိပါတယ်။ အဲဒီထဲမှာ သာသနာရေးဝန်ကြီးဌာနကာကွယ်ရေးဝန်ကြီးဌာနက ကျောင်းတွေကို ထည့်သွင်းမထားပါဘူး”ဟုပြောကြားခဲ့သည်။
ရဲလင်းထွဋ်

မူရင်းသတင်း

No comments:

Post a Comment